Фудбалерите на Јувентус вечерва го играат четвртфиналниот натпревар од Купот на Италија против СПАЛ.
СПАЛ е единствениот второлигаш што успеа да стигне до оваа фаза и јасно е дека Јувентус е апсолутен фаворит за пласман.
Андреа Пирло денес го објави списокот на играчи на кои ќе смета на овој натпревар, и одлучи Кристијано Роналдо да не игра вечерва против СПАЛ.
Тренерот на Јувентус одлучи Роналдо да го прескокне овој натпревар со цел да се одмори за предизвиците што ја чекаат Старата дама во Серија А.
Исто така поради повреда надвор е и Пауло Дибала, а Алекс Сандро се врати во тимот откако се опорави од коронавирусот.
Победникот од овој натпревар во полуфиналето ќе игра дуел против Интер.
