Минатиот јануари екипата на Барселона побара напаѓач кој може да го замени Луис Суарез на одредени натпревари.
На каталонскиот гигант му беа понудени голем број на фудбалери и тие на крајот го доведоа Кевин-Принс Боатенг на шестмесечен заем.
Боатенг не покажа апсолутно ништо на Камп Ноу, а доволно интересно, поради ангажирање на 31-годишниот фудбалер на Гана, шпанскиот шампион го одбил фантастичниот Ерлинг Халанд.
Норвешкиот напаѓач имаше само 18 години и беше понуден на Барса. Сепак, управата на овој клуб сметаше дека е премногу млад и неискусен и се сврте кон другите опции.
Конечно, Боатенг заврши на „Камп Ноу“, додека Халанд замина во Салцбург за пет милиони евра и таму целосно експлодираше.
Оваа сезона тој ја воодушеви фудбалската Европа со прекрасни настапи во дресот на австрискиот шампион, за да стане член на Борусија Дортмунд од јануари.
Барселона пропушти голема шанса да го потпише Халанд, но прашање е дали младиот напаѓач би правел прекрасни работи доколку каталонскиот клуб го одбрал него.
