Барселона синоќа беше на еден чекор од пласман во финалето на Лигата на шампионите, а имаше и навивачи на Интер кои не веруваа во чудесниот пресврт на италијанскиот клуб. Имено, откако Рафиња постигна гол во 88-та минута за водство на Барселона од 3-2, голема група навивачи на Интер го напуштија стадионот. Некои го направија тоа од лутина, некои од страв од сообраќајни метежи, но колку и да се трудат, ќе можат да си простат што си заминаа пред последниот свиреж. Во моментите кога Ачерби израмни во 93-та минута, многумина истрчаа од своите автомобили назад кон стадионот.
Some Inter fans left the stadium before the final whistle, when they were losing 3-2.
However, Inter equalised in the last seconds of the match to take it to extra time and the fans who left tried returning to their seats. pic.twitter.com/6bvBHrvlug
— EuroFoot (@eurofootcom) May 6, 2025
Сепак, тие не можеа да влезат бидејќи билетот не може да се скенира двапати, па обезбедувањето и редарите им го блокираа патот. Тие беспомошно ги кренаа рамената, а тие навивачи можеа да слушнат само дел од феноменалната атмосфера на Џузепе Меаца. Да се потсетиме дека Интер и Барселона одиграа еден од најлудите натпревари во историјата на Лигата на шампионите, со бројни пресврти, одлични голови и огромен ролеркостер од емоции. Интер водеше со 2:0, па Барселона го сврти резултатот на 3:2, но домаќинот израмни во судиското продолжение и во 99-тата минута од судиското продолжение, Фратеси постигна гол за пласман во финалето со вкупна победа од 7:6.
