Францускиот играч за врска Едуардо Камавинга полека но сигурно станува важен дел од Реал Мадрид.
Французинот летово пристигна во Реал од Рен, а во едно од интервјуата зборуваше за приклучување во редовите на славниот клуб.
“Штом го видов Реал како ме следи и е подготвен да ме купи, не се двоумев ниту секунда. Нема потреба да се сомневам во тие работи”, рече Камавинга, кој потоа опиша како се чувствувал кога го постигна првиот гол во дресот на кралевите.
“На теренот само сакам да му помогнам на тимот. Отпрвин не славев гол бидејќи никогаш не мислев дека ќе бидам стрелец на првиот натпревар, но кога го погледнав судијата, сфатив дека постигнав гол и беше лудо “
Тој рече дека Рен е клуб што ќе му остане во срцето, а за своите први впечатоци во Мадрид раскажа:
“Тренинзите во Реал веднаш ме импресионираа. По првиот тренинг бев многу уморен, но се навикнав. Најтешко ми е поради јазикот, мојот шпански сеуште не е баш најдобар”.
Тој ја изрази својата желба да освои место на СП 2022 година во Катар преку добри игри во дресот на Реал Мадрид.
“Сакам да бидам дел од репрезентацијата и дел од тој спектакл, но знам дека треба да се докажам преку натпреварите на Реал. Подготвен сум да дадам се од себе, верувам дека ќе ги постигнам моите цели”, додаде Камавинга.
Во Ла Лига забележа четири настапи со еден гол, додека во Лигата на шампионите, исто така, одигра еден настап. Со оглед на тоа што има само 18 години, младиот француски репрезентативец се очекува да има одлична кариера.
