Уругвајскиот напаѓач Единсон Кавани избра – кариерата ја продолжува во Валенсија.
35-годишниот фудбалер по завршувањето на договорот со Манчестер Јунајтед е слободен играч и покрај најавите дека би можел да се пресели во Аргентина, преовлада неговата желба да остане во Европа.
Кавани ги договорил деталите од двегодишниот договор со клубот и откако ќе ги помине лекарските прегледи ќе ја парафира соработката со Валенсија.
Интерес за искусниот напаѓач покажа и тренерот на Виљареал, Унаи Емери.
Edinson Cavani, arrived in Valencia ahead of his transfer as announced today morning. Two year deal’s in place. 🦇🇺🇾 #Cavani
Cavani expected to be at Mestalla tonight. pic.twitter.com/xg8ku62A3T
— Fabrizio Romano (@FabrizioRomano) August 29, 2022
Уругваецот кариерата ја започна во Дунав, а во Европа е од 2007 година кога потпиша договор со Палермо. Подоцна играше за Наполи, ПСЖ и од 2020 година за Манчестер Јунајтед.
„Лилјаците“ освоија три бода во првите две кола од Примера, а вечерва од 22 часот го пречекуваат Атлетико Мадрид.
