Баерн продолжува да ги „тероризира“ противниците во Бундеслигата.
Последна жртва на казнената експедиција од Баварија е Штутгарт, кој загуби на домашен терен со високи 0:5.
Иако теренот не изгледаше како вистински терен, што е изненадување за земја како Германија, тоа не го спречи Баерн да одигра уште еден одличен натпревар.
Штутгарт добро се држеше во првиот половина час, но на полувремето остана зад себе откако Гнабри постигна гол во 40. минута.
Во продолжение се уште четири гола на гостите. Веќе на стартот од вториот дел погодува Гнабри, а потоа на сцена стапува Левандовски.
Најдобриот напаѓач на денешницата постигна два рутински гола во 69. и 72. минута, но вниманието секако привлекува неговата одлука да не ги прославува головите и да реагира како ништо да не се случило.
Одличниот Полјак неодамна изјави дека бил многу несреќен и депресивен откако ја пропуштил Златната топка, а тоа изгледа се забележува и во неговиот говор на телото.
Петтиот гол за Баерн го постигна Гнабри, кој комплетираше хет-трик во четвртата последователна победа на неговиот тим во лигата.
