Барселона моментално е прва во Шпанија, летното засилување Роберт Левандовски ја предводи листата на стрелци во Примера, Гави и Педри експлодираа, тука се и Дембеле и Фати…
Сепак, тренерот Чави има свој миленик. Голманот Марк-Андре тер Штеген.
Германскиот чувар пристигна на „Камп Ноу“ кога Чави уште беше играч и полека ја завршуваше кариерата во Барселона.
„Марк е на импресивно ниво. Можеби е најдобар во Барселона во моментов. Ме потсетува на Тер Штеген во мојата последна година од играњето во Барселона“, задоволно изјави Чави Ернандез.
Тер Штеген пристигна во Барселона во 2014 година од Борусија Менхенгладбах. Одбрани вкупно 351 натпревар и освои 14 трофеи, од кои четири титули во шпанската лига и една во Лигата на шампионите. Неговиот договор со клубот е до летото 2025 година.
🎙️| Xavi: "Ter Stegen is living his best moment in a Barça shirt. He reminds me of 2015 MATS." pic.twitter.com/2fskKiBsLQ
— total Barça (@totalBarca) January 24, 2023
