Кевин-Принс Боатенг ја напушти Фиорентина во последниот ден од преодниот рок и замина за Турција.
Имено, Бешикташ синоќа го потврди ангажманот на искусниот напаѓач, поранешен играч на репрезентацијата на Гана.
Beşiktaş ailesine hoş geldin Kevin-Prince Boateng ⚡💥
Welcome to Beşiktaş @KPBofficial #DeliGibiSeverim 🖤 pic.twitter.com/gEIXgGdeiF— Beşiktaş JK (@Besiktas) January 31, 2020
Боатенг пристигна во Бешикташ на позајмица до крајот на сезоната. Иако во некои медиуми се споменува дека Бешикташ има обврска да го купи договорот на 32-годишниот напаѓач, во официјалните соопштенија на клубот нема потврда за ваквите наводи.
Боатенг летово пристигна во Фиорентино од Сасуоло, но не успеа да се наметне на Артемио Франчи, па најмногу играше улога на замена. Тој оствари вкупно 14 настапи во Серија А во првиот дел од сезоната и постигна еден гол.
Боатенг ја започна својата кариера во Херта, по што играше за Тотенхем, Борусија Дортмунд, Портсмут, Милан, Шалке, Лас Палмас, Ајнтрахт Франкфурт, Сасуоло, Барселона и Фиорентина.
