Натпреварот од осминафиналето на Купот на Катар меѓу Ал Шаханија и Ал Шамал доспеа во фокусот на јавноста поради бизарниот автогол што го постигна голманот на гостите, Омар Бари.
Резултатот во 92. минута беше 0:0, а слободниот удар од речиси 40 метри го изведе играчот од средниот ред на Ал Шаханија, Јусуф Раиси.
An unusual scene in the Qatar Stars Cup match! 🇶🇦
Al Shamal SC goalkeeper Oumar Barry's bizarre own goal in the final moments left spectators stunned.pic.twitter.com/iDc79mNWhu
— Goals Xtra (@GoalsXtra) January 27, 2026
Тој шутираше силно, но по средината на голот, па се чинеше дека Бари ќе има лесна задача да го одбрани ударот.
Сепак, 39-годишниот Бари најпрво ја одби топката високо над својата глава, а кога таа почна да паѓа, се обиде да ја исфрли во корнер преку пречката.
Ја промаши топката, таа ја погоди пречката и потоа падна во петерката, по што Бари ја внесе во сопствениот гол.
Овој погодок беше единствениот на натпреварот и со него беше завршено учеството на Ал Шамал во Купот на Катар, а на социјалните мрежи се отвори дебата дали Бари направил кикс или станува збор за „кикс“ кој имал последица пораз на неговата екипа поради обложувалниците.
