Фудбалскиот клуб Ливерпул преговара со Баерн Минхен за трансфер на играчот од средниот ред Рајан Гравенберг.
Како што денеска објави Скај, двата клуба преговараат за цената за 21-годишниот холандски фудбалер, пред Ливерпул да испрати официјална понуда.
Тренерот на Ливерпул, Јирген Клоп е во потрага по играч од средниот ред, а Гравенберг е првата опција на листата на кандидати на која се најдоа Енцо Фернандез, Аурелиен Чуамени, Николо Барела и Џуд Белингем.
Гравенберг минатото лето се пресели во Баерн од Ајакс за 18 милиони евра, но одигра само 711 минути, бидејќи предност имаат Џошуа Кимих и Леон Горецка.
Како дел од договорот меѓу Ајакс и Баерн, во договорот има клаузула од седум и пол проценти од следната продажба на Гравенберг.
Баерн сака да го продаде, а вредноста на холандскиот фудбалер се проценува на 35 до 40 милиони евра.
