Харизматичниот Јирген Клоп по долги седум години успеа да освои голем трофеј.
Германецот од Ливерпул создаде машина која меле, сите го пофалија стилот на игра на кој игра неговиот тим, а како круна на работа на Енфилд пред неколку дена дојде пехарот од ЛШ, кој го освои со победата над Тотенхем во финалето на Лигата на шампионите (2:0).
По огромниот успех Клоп одлучи и за укинување на забраната, која е поставена за играчите уште во текот на летото на 2016 година. Всушност, на почетокот на епизодата во Ливерпул, им изјави на играчите да не го допира знакот ‘This is Anfield’ , кој се наоѓа на излезот од тунелот, но таа одлука беше објаснета, велејќи дека не треба да го допрат се додека не освојат трофеј.
„Тоа е знак на почит, го допрев кога бев тренер на Борусија Дортмунд и загубивме со 4:0. Ќе го допреме овој знак кога ќе добиеме нешто, бидејќи ова е навистина голем клуб“, рече Клоп.
Единствениот кој имаше право да го допре овој знак беше Хендерсон, кој во 2012 година со клубот го освои лига купот, но откако сега ја освоија Лигата на Шампионите, сега можат да го допрат сите.
За Клоп, освојувањето на Лигата на Шампионите исто така беше трета среќа, бидејќи во првите два обиди тој не успеа. Пред шест години тој ја предводеше Борусија Дортмунд, кој загуби од Баерн Минхен на Вембли (1:2), а минатата година загуби со Ливерпул од Реал Мадрид (1:3).
