Ливерпул во вторник против Бенфика ќе го одигра првиот натпревар од четвртфиналето на Лигата на шампионите. Менаџерот на „црвените“ пред тој натпревар смета дека Бенфика ќе биде тежок противник иако не игра добро во португалската лига, а воедно изјави дека е задоволен од преговорите меѓу управата на клубот и Мохамед Салах околу новиот договор.
„Страните кои одлучуваат за ова разговараат меѓу себе и тоа е се што ми треба сега“, изјави менаџерот Јирген Клоп за ситуацијата со договорот на Салах.
Англиските медиуми викендов пишуваа дека Салах и Ливерпул се многу блиску до договор, а според новиот договор Мо би бил еден од најплатените играчи во Премиер лигата и би останал во клубот речиси до крајот на кариерата. Освен за Египќанецот, Клоп зборуваше и за противникот во четвртфиналето од Лигата на шампионите.
„Мислам дека не треба да бидеме подобри. Мислам да бидеме на врвот на нашата игра. Тоа е план за сите натпревари. Се обидувате да се подобрите воопшто. „Бенфика можеби не е онаму каде што би сакале да биде во лигата, но тие се тежок противник“, вели Клоп.
„Зрелоста во вакви натпревари не е единственото нешто што ни треба. Ни треба желба, менталитет, возбуда. Не можете да купите такво нешто – треба да созреете како играч, тренер, како тим. Тогаш посмирено ги разбираш работите во иднина, тоа е искуство. Одигравме натпревари во кои водиме со 1:0 и на кои се уште трчаме како луди. Сакам моите играчи да размислуваат на вистински начин и тоа го видов во саботата“.
Клоп додаде дека неговиот тим ужива во априлските предизвици додека продолжува да се бори за Лигата на шампионите и Премиер лигата. Тој исто така вели дека работата во Ливерпул не ја оценува по бројот на трофеи.
„Се работи за тоа како играме, како се развиваме и каква е ситуацијата во клубот. Овој клуб е во здрава и добра позиција“.
