Јирген Клоп беше реален по уште една елиминација од Лигата на шампионите од Реал Мадрид.
Реал заслужено се пласираше во четвртфиналето од Лигата на шампионите со двете победи против Ливерпул. По повеќе од убедливи 5:2 на Енфилд, на стадионот „Сантијаго Бернабеу“ беше 1:0.
„Поразот со 5-2 на „Енфилд“ не е одличен резултат ако сакате да поминете. Мора да имате посебен настап и не можевме да го направиме тоа вечерва. Реал Мадрид имаше подобри шанси, Алисон направи две фантастични одбрани. Подобриот тим помина, тоа мора да го признаеме. Ова е нокаут фазата. Не е тоа што го сакавме, туку тоа е она што го добивме“, изјави Јирген Клоп.
Ливерпул беше подобар од првиот меч, но повторно тоа не беше доволно за да избегне пораз.
„Потребни ви се моменти во ваков натпревар, ако погодевме во првото полувреме, тоа можеше да ни даде искра, но ова е хипотетички. Тие беа подобриот тим во три од четирите полувремиња и затоа поминаа“.
На Ливерпул сега му претстои жестока битка за Топ 4 и пласман во Лигата на шампионите следната сезона. Моментално се само шести со 42 бода, два помалку од Њукасл на петтото и шест зад Тотенхем на четвртото место.
We exit the Champions League. pic.twitter.com/wdeQogL9bi
— Liverpool FC (@LFC) March 15, 2023
