Доколку сезоната во Англија се откаже Ливерпул ќе остане без трофеј, а само две победи го делат од титулата која ја чекаат 30 години.
Тренерот на Ливерпул, Јирген Клоп, рече дека ќе биде неправда да се откаже првенството на Англија 2019/20 без да биде прогласен шампион.
„Некои луѓе нудат да ја откажеме сезоната, но ние веќе поминавме 76 отсто од патот. Луѓето сакаат да ја искористат ситуацијата и да го поништат, но не е фер да се направи тоа. Ливерпул убедливо води на табелата. Ние мора да станеме шампиони“, изјави Клоп.
По 29 кола во англиската Премиер лига, прекината поради пандемијата на коронавирус, Ливерпул е лидер со 82 бода. Најблискиот гонител на тимот од Мерсисајд, Манчестер сити – има 25 бода заостанување.
