Ливерпул во среда ќе му гостува на Наполи во првото коло од групната фаза на Лигата на шампионите, а Јирген Клоп беше бесен на прашањето на новинарите дали е загрижен за безбедноста на навивачите во Неапол.
Ливерпул патува во Неапол по трет пат во последните пет сезони, а прашањето не е поставено без причина.
Официјалниот навивачки сервис објави порака со која ги повикува сите навивачи кои патуваат во Неапол да останат во своите хотели и таму да јадат и пијат, но и да не носат клубски беџови доколку се движат низ центарот на градот.
Сепак, Клоп го сметаше прашањето многу несоодветно.
„Тоа е непријатно прашање. Сакате да креирате наслов за весник. Не те разбирам. Дали си од Неапол? Дали мислите дека тоа е опасен град? Не знам, не живеам во Неапол. Кога одам таму, пешачам од хотелот до стадионот и сега ме прашувате што мислам за Неапол.
Вие многу добро знаете за што зборуваат луѓето. Ако некои фанови се сретнат со некои други фанови некаде, нешто може да се случи. Нема врска со ниеден град.
Не сум тука да ги пополнам вашите насловни страници. Ако немате што друго да прашате, тоа не е проблем бидејќи би сакал да се вратам во хотелот и да се концентрирам на утрешниот натпревар. И ми се чини дека не знаеш што друго да ме прашаш кога ми поставуваш вакви прашања“, беше многу лут Клоп.
Натпреварот помеѓу Наполи и Ливерпул започнува во 21 часот.
"That's an embarrassing question from you!" 😳
Liverpool boss Jurgen Klopp reacts angrily to a question from a journalist and says "I'm not here to create headlines" when asked about fan safety concerns in Naples🔴⤵️ pic.twitter.com/vJA7vGOmgC
— Sky Sports News (@SkySportsNews) September 6, 2022
