Италијанските клубови губат милиони евра со затворање на вратите, Јувентус нај повеќе страда.
Јувентус ќе изгуби околу 12 милиони евра приходи од затворање на вратите на страдионите.
Серија А неодамна беше во хаос поради брзото ширење на коронавирусот низ северна Италија.
Владата издаде декрет во кој се вели дека сите спортски активности ќе се одржуваат зад затворени врати до 3 април, во обид да се запре ширењето на болеста.
„Калцио и Финанза“ пренесува дека Јуве, кој ќе игра со Интер, Лече и со Лион во Лигата на шампионите, се очекува да загуби околу 12,3 милиони евра.
Италијанскиот шампион е најпогодено од указот на владата.
Интер и Милан имаат два натпревари за одигрување на „Сан Сиро“ и се очекува да загубат 2,7 милиони евра и 3,4 милиони евра, соодветно.
Исто така, се очекува Рома да изгуби околу 2,3 милиони евра на два меча.
Вкупно, сите 20 клуба ќе загубат приход од 28,6 милиони евра.
