Легендарниот тренер на Манчестер Јунајтед, Сер Алекс Фергусон, пред четири месеци заврши во болницата откако претрпе мозочен удар.
Оваа вест жестоко ја потресе фудбалската јавност, а многумина се плашеа за судбината на искусен шкотски тренер. Фергусон беше во тешка состојба и итно беше потребна хируршка интервенција, која, за среќа, помина во најдобар можен ред.
Фергусон помина неколку недели во болница каде лекарите внимателно ја следеа неговата состојба и кога беше заклучено дека сè е во ред беше пуштен на домашен третман. Легендарниот Фергусон успешно се опоравил, а денес се вратил на своето омилено место.
Манчестер Јунајтед, на официјалната веб-страница, објави дека Фергусон се вратил на Олд Трафорд, каде што денеска ќе го следи натпреварот против Вулверхемптон.
