Дефанзивецот на Наполи, Калиду Кулибали наводно им кажал на своите агенти дека е заинтересиран да игра во Барселона, пренесуваат шпанските медиуми.
Фудбалерот на Наполи има уште еден договор со италијанскиот тим за уште една сезона и не сака да го продолжи договорот. Затоа, наполитанскиот клуб има две решенија: брза продажба или задржување уште една сезона, но Сенегалецот да го напушти клубот без обештетување.
Според „sport.es“, Калиду Кулибали е приоритет на Чави за одбранбен играч во следниот преоден рок. Според Шпанците, Барселона во овој период морала брзо да се организира и да ги продаде Мингез, Умтити и Ленглет за да му направи простор.
Сенегалецот има подготвена понуда од Барселона и рече дека е повеќе од задоволен од идејата да се пресели во Каталонија. Но, играчот чека челниците на Барса да се договорат со Италијанците.
Италијанскиот клуб на ниту еден начин не сака да се откаже од африканскиот играч. Иако Кулибали најави дека не сака да го продолжи договорот, челниците на Наполи се уште се надеваат дека ќе се предомисли.
Во исто време, Шпанците претставија сценарио според кое Миралем Пјаниќ, фудбалер кој се уште има договор со Барселона, ќе биде префрлен во Наполи. Босанецот би можел да ги намали и финансиските барања на Италијанците.