Роналд Куман зборуваше за печатот пред натпреварот на Барселона во ЛаЛига Сантандер против Гранада, што ќе се одржи утре. Каталонците влегуваат во овој натпревар со големи амбиции по нивната победа во средината на неделата против Атлетик Билбао.
Сепак, тренерот Роналд Куман смета дека тимот треба да се освежи во јануарскиот преоден рок.
„Наша цел е да го подобриме тимот и мислам дека некои позиции треба да имаат поголема конкуренција и ефикасност. Ова е она што го мислам, но ја разбирам ситуацијата во клубот. Ако не е можно, тогаш ќе почекаме до следната година “, изјави селекторот на Холандија.
Главната цел на Куман е Мемфис Депај, но сè уште нема ништо конкретно. Барселона „страда“ за центарфор, додека Брајтвајт не го убедува Холанѓанецот.
Клубот не покажува успех оваа сезона, бидејќи се наоѓа на третото место во Ла Лига, седум бода помалку од лидерот, Атлетико Мадрид, кој има два одиграни натпревари помалку.
