Фудбалерите на РБ Лајпциг обезбедија пласман во четвртфиналето на Купот на Германија, откако на домашен терен го совладаа Хофенхајм со 3:1.
Нерешено во првиот натпревар од 2023 година против Баерн, а потоа три натпревари, три победи со гол разлика 11:3. Ова е учинокот на РБ Лајпциг, кој моментално е во лов на Баварците кога е титулата во прашање, а продолжуваат да го ловат трофејот во купот.
Се пласираше меѓу осумте најдобри, а Хофенхајм кој е во мини-криза не можеше сериозно да му се закани. Домашните поведоа со 2:0 во првото полувреме со головите на Форсберг во петтата минута и Лајмер во 42. минута, кој асистираше и за првиот гол.
Тимот од Зиншајм успеа само да го намали резултатот во 77. минута преку Долберг, на асистенција на поранешниот играч на РБ Лајпциг, Анџелињо. Сепак, Тимо Вернер стави точка на сите надежи на Хофенхајм со гол во 84. минута за конечни 3:1.
