Холандскиот стручњак Роналд Куман (59) пред точно една година доби отказ од тимот на Барселона, а на негово место пристигна легендарниот Чави Ернандез, кој се уште е тренер на каталонскиот гигант.
Роналд Куман мина нешто повеќе од една година на клупата на Барселона. Сепак, по лошите резултати, претседателот на клубот Жоан Лапорта го разреши, а по неколку дена за нов тренер беше назначен Чави.
Сепак, шпанскиот весник Спорт тврди дека Чави не бил првиот избор на претседателот на Барселона. Според нивните информации Лапорта имал намера да го ангажира славниот Италијанец Андреа Пирло.
Жоан Лапорта ги повика четворицата капитени на клубот и уште тројца клучни играчи. Тој им кажа дека ќе го отпушти Холанѓанецот и ќе го доведе Андреа Пирло за тренер.
“Играчите му кажаа на Лапорта дека навистина не им се допаѓа таа идеја. Тоа би било драстична промена на стилот, Пирло не го зборува јазикот и нема големо искуство. Играчите потоа го предложија Чави, а претседателот потоа размислуваше за неговиот предлог“, пишува Sport.
Доаѓањето на Чави беше дочекано со ентузијазам кај навивачите. Сепак, резултатите не беа на ниво, Барселона остана без трофеј, а Чави за тоа го обвини скромниот играчки кадар.
Во текот на летото 42-годишниот специјалист доби засилување. Тимот е посилен во однос на следната сезона, но Барселона имаше доста падови во играта.
Каталонскиот гигант се соочува со испаѓање од Лигата на шампионите. Многу е веројатно дека ќе играат во Лига Европа, што апсолутно никој не го очекуваше оваа сезона.
Од друга страна, Андреа Пирло моментално е на клупата на турски Карагумрук, а претходно раководеше со торински Јувентус со кој ги освои Суперкупот и Купот на Италија.
Како тренер пред Барселона, Чави го водеше катарскиот Ал Сад, а статистички моментално е најслабиот тренер на Барса во изминатите 20 години.
