Еден од најдобрите голмани од 2000 до 2010 година и поранешен репрезентативец на турската репрезентација Рушту Рекбер заврши во болница.
Сопругата на поранешниот голман на Фенербах, Бешикташ и Барселона откри дека легендарниот чувар на мрежата е хоспитализиран откако дознал дека има коронавирус.
Овој 46-годишник врвот на кариерата го достигна на Светскиот куп во 2002 година, кога ја предводеше Турција во полуфиналето и подоцна потпиша една година за познатата Барселона.
„Мојот сопруг беше хоспитализиран затоа што беше позитивен за Ковид-19. Сè беше нормално додека не дојдоа наеднаш симптомите. Сите сме во шок. Ова се тешки моменти. Само ги замолувам луѓето да бидат внимателни и да покажат почит”, рече неговата сопруга Исил. .
„Мојот тест и тестовите на мојата ќерка и син беа негативни. Не можеме да го посетиме во болницата, тоа е најтешкиот дел. Ќе поминат и овие денови. Ве молам, не престанувајте да се молите. Бог е одличен“, додаде таа.
Инаку, Рушту е рекордер по бројот на настапи за својата земја. Тој бранеше 124 пати за Турција, вклучувајќи ги и Европските првенства во 1996, 2000 и 2008 година и Светскиот куп во 2002 година.
