Легендата на Баерн Минхен, Лотар Матеус смета дека Роберт Левандовски сега е најдобриот фудбалер на светот, оставајќи го зад себе Лионел Меси. Матеус го опиша напаѓачот на Баварците како наследник на ѕвездата на Барселона.
Роберт Левандовски стигна до бројката од 53 постигнати гола на 44 одиграни натпревари, откако постигна два гола во победата од 4:1 против Челзи во Лигата на шампионите, а асистираше во другите да два гола.
Вкупната победа од 3:1 против Челзи го натера тимот на Ханси Флик да премине во четвртфиналето од Лигата на шампионите, каде што сега ќе се соочат со Барселона.
„Блауграна“ го совлада Наполи со 3:1 во повратниот натпревар на „Камп Ноу“ за да обезбеди место во четврт-финалето, додека Меси беше во центарот на вниманието заради голот што го постигна во тој меч.
Аргентинец важи за најдобар фудбалер во историјата од многу фудбалски навивачи и тој го сруши рекордот минатата година, освојувајќи ја Златната топка по шести пат во историјата. Сепак, Матеус верува дека Левандовски веќе го поминал 33-годишниот играч на списокот со најдобри играчи на светот.
„Меси се соочува со неговиот наследник за епитетот на најдобриот играч на светот, Роберт Левандовски. Тој е најдобриот играч на светот, не само најдобриот напаѓач на светот“, рече Матеус.
„Барселона денес не е иста како порано. Тие го имаат Меси, се разбира. Играч како него е секогаш во состојба да направи нешто генијално“.
„Но, тој едноставно не може да биде доволен за овој натпревар против овој Баерн. Барселона не ме исплаши“.
