Дербито на 12.коло од Првата фудбалска лига одиграно во Струмица заврши со триумф на екипата Академија Пандев со 3:2 над лидерот на табелата Шкендија. Домаќинот имаше водство од 2:0 во 52.минута, но Шкендија изедначи на 2:2 во 71.минута. Голот за победа и три бодови за струмичани го постигна младинскиот репрезентативец на Македонија, Костадин Чешмеџиев во 90.минута.
Пораз денеска претрпе и Вардар од Работнички со 3:1 и ова е втор неуспех во домашната лига за „црвено-црните“.
Убедлива победа на домашен терен постигна Ренова над Скопје, додека минимален триумф забележа Шкупи против Победа.
Силекс беше единствениот тим што оствари гостински триумф против Пелистер.
Резултати: Академија Пандев – Шкендија 3:2, Работнички – Вардар 3:1 (натпревар од 3.коло), Ренова – Скопје 5:1, Шкупи – Победа 1:0 и Пелистер – Силекс 1:2.
Табела: Шкендија 28 бодови, Академија Пандев 21, Вардар 19, Силекс 18, Шкупи 15, Ренова 14, Работнички 13, Пелистер 12, Победа 12, Скопје 6.
