Ливерпул побара од Англиската фудбалска федерација да го одложи полуфиналниот натпревар од Лига купот против Арсенал.
Дуелот меѓу Арсенал и Ливерпул е закажан за в четврток во Лондон, но на „Енфилд“ има голем број заразени со коронавирус, кои и официјално поднесоа барање за одложување на натпреварот.
Поради тоа, денешниот тренинг на Ливерпул беше откажан, но се уште не е познато што ќе одлучи раководството на Англиската фудбалска асоцијација (ФА).
Дербито против Челзи поради круната го пропуштија Матип, Алисон и Фирмино, а го немаше менаџерот Јирген Клоп.
Покрај тоа, во тимот има уште повредени играчи, а недостасуваат и Салах, Мане и Кеита кои се во Африканскиот куп на нации.
