Саудискиот фудбалски клуб Ал-Итихад испрати официјална понуда за крилото на Ливерпул Мохамед Салах од „тешка“ 150 милиони фунти, но англискиот клуб без размислување ја одби.
Салах минатото лето потпиша нов договор со „црвените“, кои немаат намера да се откажат од Египјанецот. Челниците на Ливерпул не сакаат да го продадат 31-годишниот фудбалер под никакви услови, но Sky Sports тврди дека подобрена понуда сепак би можела да го промени ставот на одговорните членови на управата.
„Нашиот став е јасен – без сомнение. Нема да го продадеме Салах, немам што да додадам на таа тема“, изјави менаџерот на Ливерпул, Јирген Клоп.
Преодниот рок за играчите од Премиер лигата завршува во петок, додека саудиските клубови можат да купуваат до 7 септември. Ал-Итихад е подготвен да му плати на Салах 1,5 милиони за да го засили клубот. Неодамнешниот соиграч на Салах, Фабињо, Карим Бензема, Јота и Енголо Канте веќе се одлучија на тој потег во тековниот преоден рок.
Салах одигра 308 натпревари во дресот на Ливерпул, постигна 187 голови и забележа 81 асистенција. На „Енфилд“ пристигна во 2017 година, а претходно играше за Рома, Челзи, Фиорентина и Базел.
Момците на Клоп освоија седум бода во првите три првенствени натпревари и ја заземаат четвртата позиција на табелата.
https://twitter.com/ESPNFC/status/1697580259388825829
