Екипата на Ливерпул го заврши трансферот денес и одбраната на „црвените“ ќе биде посилна за францускиот дефанзивец Ибрахим Конате следната сезона.
Магионичарот за трансфери Фабрицио Романо вечерва објави дека е постигнат договор меѓу Конате и Ливерпул и дека тимот од „Енфилд“ ќе плати отштетна клаузула на РБ Лајпциг за овој фудбалер во наредните денови.
Французинот ќе потпише петгодишен договор со Ливерпул, а добро се снајде и Лајпциг, кој инкасираше 35 милиони евра за услугите на 21-годишниот дефанзивец.
Така, Лајпциг продаде уште еден француски дефанзивец од своите редови, а претходно го продадоа Дајот Упамекан на Баерн за 42,5 милиони евра.
Одличниот Конате може да има многу простор за игра во Ливерпул. „Црвените“ имаа сериозни проблеми на стоперските позиции оваа сезона и се обидоа да го донесат играчот на оваа позиција.
Ibrahima Konaté to Liverpool, here we go soon! The deal is set to be completed, personal terms agreed on a five-years contract.
Liverpool will pay the release clause to RB Leipzig in the next days [around €35m] in order to finalize the signing of Konaté. 🔴 #LFC https://t.co/N4OWqqXiGu
— Fabrizio Romano (@FabrizioRomano) April 23, 2021
За следната сезона, задниот ред на тимот го засилува овој 21-годишник и ќе видиме како Конате ќе се справи во својата прва сезона на „Енфилд“.
Конате е член на РБ Лајпциг од 2017 година. Тој пристигна од Сошо како слободен агент и германскиот тим профитираше многу добро од неговата продажба.
Вкупно, овој фудбалер одигра 92 натпревари за Лајпциг и постигна четири погодоци во изминатите четири години во германскиот тим.
Конате е стандарден член на младинските селекции на Франција и сигурно сега ќе ја чека поканата на Дидие Дешамп.
