Во Реал Мадрид синоќа сите беа разочарани од одлуката на Килијан Мбапе да потпише нов договор со ПСЖ.
Синоќа и официјално беше разрешена дилемата околу Мбапе бидејќи тие го продолжија договорот со ПСЖ кој беше официјализиран пред почетокот на мечот против Мец на преполниот „Парк на принцовите“.
Мбапе беше на прагот да замине во Реал Мадрид и речиси се беше договорено со кралскиот клуб, но во последен момент се предомисли и реши да остане во Париз.
Во Реал беа шокирани и изненадени од ваквата одлука бидејќи беа сигурни дека Мбапе доаѓа. Сепак, покрај тоа, кралскиот клуб имаше и резервен план кој сега ќе се обиде да го реализира.
Како што објави угледната Марка, челниците на Реал Мадрид сега наместо Мбапе ќе се обидат да го доведат Ријад Махрез од Манчестер Сити. Махрез оваа сезона игра во одлична форма и блесна во полуфиналето од Лигата на шампионите против Реал Мадрид што очигледно беше доволно за Флорентино Перез.
Наводно, Реал Мадрид има список со офанзивни играчи што сака да ги доведе, а како што стојат работите по неуспешните обиди со Халанд и Мбапе, сега на ред е Марез.
31-годишниот Алжирец има едногодишен договор со Сити кој може да му го олесни заминувањето. Според Marca, Манчестер Сити е подготвен да го продаде Махрез доколку Реал Мадрид понуди 40 милиони евра.
Марез оваа сезона одигра 46 натпревари во сите натпреварувања, постигна дури 24 гола и додаде девет асистенции.
