Германскиот шампион Баерн Минхен се соочува со проблеми кои е тешко да се замислат во ваков гигант.
Имено, се наведува дека еден вработен во клубот на расна основа ги малтретирал првотимците Серж Гнабри и Ерик-Максим Чупо-Мотинг.
Инцидентот е уште посериозен бидејќи се случил додека вработениот бил со својата ќерка во тренинг центарот. Се наведува дека станува збор за магационер, кој поради некоја причина навредил двајца фудбалери на тимот.
Него го пријавил друг вработен, кој слушнал разговор помеѓу играчот на Баерн и неговиот колега и неговата ќерка. Магационерот во неколку наврати ги навреди Гнабри и Чупо-Мотинг со расистички коментари.
Раководството на Баварците не размислуваше долго и го смени, а играчите ги посети и спортскиот директор Хасан Салихамиџиќ кој веднаш реагираше.
Челниците на Баерн не можеа да толерираат вакво однесување, особено што клубот е вклучен во неколку кампањи против дискриминација, од кои едната е наречена „Црвено против расизмот“. Тие кампањи започнаа пред две години поради фактот што еден од младите тренери на Баерн беше вмешан во расистички скандал.
