Дејан Кулушевски денеска ќе стане играч на Јувентус, кој ќе плати 35 милиони евра за неговите услуги на Аталанта. Кулушевски есента настапуваше како позајмен играч на Парма, а денеска е на медицински прегледи во Торино. Се очекува попладнево да стане соиграч со Кристијано Роналдо.
Кулушевски е играч кој има потекло од Македонија, но од пред два месеци одбра да игра за Шведска. Тој настапуваше и за младите категории на нашата репрезентација, меѓутоа никогаш не доби шанса за сениорите, и Шведска тоа го искористи, му даде прилика, играше на еден меч, и сега повеќе не ќе може да ја смени селекцијата.
Оваа сезона Кулушевски „ескплодираше“ во дресот на Парма каде настапува како позајмен. Но Аталанта го врати од позајмица, и сега ќе го продаде на Јувентус.
Воедно, тој ќе стане вториот најскап фудбалер роден во новиот век после Винициус од Реал Мадрид кој чини 42 милиони.
In corso al #JMedical le visite per Dejan #Kulusevskihttps://t.co/1ivNcRZERq pic.twitter.com/Ufc7yTn5B4
— JuventusFC (@juventusfc) January 2, 2020
