Единсон Кавани и понатаму е слободен агент, откако на крајот на сезоната му истече договорот со ПСЖ.
Кавани не доби понуда за продолжување на договорот со парижаните, иако навистина остави длабока трага во овој клуб. Тој е слободен агент повеќе од два месеци и досега беше поврзуван со Атлетико Мадрид, Интер и Бенфика.
Иако договорите со овие клубови беа блиску до реализација, на крајот ништо не излезе од договорот. Претходните денови, Кавани се поврзуваше со Манчестер Јунајтед, кој покажа голем интерес за Уругваецот.
„Црвените ѓаволи“ му го понудија договорот на Кавани до крајот на сезоната, со можност да го продолжат за уште една сезона. Но, на Уругваецот не му се допадна таа понуда и неговиот агент се вклучи во сè.
Имено, Кавани бара договор за најмалку две сезони, па дури и плата од десет милиони евра годишно. Но, она што е проблем во преговорите со сите клубови е неговиот агент кој бара голема сума пари за себе.
Како резултат на тоа, договорите со Атлетико и Бенфика пропаднаа, и се чини дека ништо нема да оди на подобро со Јунајтед.
