Манчестер Јунајтед го договори доаѓањето на младиот напаѓач на Атланта, Амад Диало.
Како што потврди реномираниот новинар и експерт за трансфери Фабрицио Романо, Јунајтед се договорил со тимот од Бергамо за доаѓањето на 18-годишното крило на „Олд Трафорд“.
Диало чекаше долго да добие пасош што го попречуваше трансферот. Проблемите се решени и фудбалерот од Брегот на Слоновата Коска ќе стане член на „црвените ѓаволи“ од јануари.
Amad Diallo has finally received his passport, the deadlines have been respected.
He will fly to Manchester in January to complete his move to Man United. €25m + €15m add ons to Atalanta. 🔴✈️🇨🇮 @Amaddiallo79 #MUFC #ManUtd #transfers
— Fabrizio Romano (@FabrizioRomano) December 18, 2020
Аталанта заврши одлична работа. За 18-годишното момче зедоа 25 милиони евра, а дополнителни 15 милиони може да се заработат преку разни бонуси вклучени во зделката.
Диало оваа сезона двапати играше за првиот тим на Аталанта. Тој одигра вкупно 35 минути и ќе видиме како ќе се снаоѓа во Театарот на соништата.
Секако е интересно што до јули 2020 година, Диало го носеше презимето Траоре. Сепак, тој одлучи да го смени и да го носи презимето Диало во иднина.
