Манчестер јунајтед е заинтересиран за француското дуо Бубакари Сомаре и Муса Дембеле. „Црвените ѓаволи“ ги сметаат како потенцијални замени за Пол Погба.
Бубакари Сомаре (20) ја претставува Франција во возрасната група и игра за Лил. Тој во последно време беше поврзуван со многу европски клубови, вклучувајќи го и Манчестер Јунајтед, пренесува „ЕСПН“.
Но, „црвените ѓаволи“ сега се подготвени да конкурираат за Французинот, за да ги обезбедат неговите услуги пред другите клубови. Клубот испрати неколку извидници за да го следат на натпреварите оваа сезона, вклучително и натпреварот против Валенсија минатата недела во Лигата на шампионите, каде беше импресивен во ремито (1:1).
Манчестер Јунајтед го гледа Сомаре како потенцијален наследник на Пол Погба во средниот ред, бидејќи обајцата играчи имаат слични карактеристики. Бидејќи иднината на Погба на „Олд Трафорд“ останува нејасна, Сомаре е еден од приоритетите на клубот во моментов.
Сепак, Манчестер Јунајтед не бара веднаш да го замени Погба, бидејќи има уште три години на неговиот договор на „Олд Трафорд“. Но, Сомаре се вклопува во неодамнешната филозофија на клубот, бидејќи е млад и талентиран и е во вредност од 35 до 40 милиони евра.
Покрај Сомаре, Манчестер Јунајтед е заинтересиран и за регрутирање на Муса Дембеле, кој клубот го следи долго време, дури и кога беше во Фулам и Селтик.
