За неговиот можен трансфер се пишуваше со денови, но Романо сега известува дека е постигнат договор меѓу двете страни и само лекарскиот преглед го дели Манџукиќ од потписот со „росонерите“.
Марио Манџукиќ треба да стане нов играч на Милан во понеделник, пренесува сигурниот италијански новинар Фабрицио Романо.
Mario Mandzukic to AC Milan, here we go! Medicals tomorrow in Milano – the Croatian striker will be back in Serie A. Agreement reached and contract set to be signed after the medicals. 🔴⚫️🇭🇷 #ACMilan
— Fabrizio Romano (@FabrizioRomano) January 17, 2021
Манџукиќ е без натпревар од мај, кога ја заврши својата епизода со Ал Духаил, а последниот натпревар на кој играше во Јувентус беше против Милан.
Италијанските медиуми како Газета дело Спорт претходно ја нарекоа одлична идејата за доаѓањето на Манџукиќ:
– Самоуверен и примерен професионалец знае каква е неговата улога во тимот. Би било интригантно да го видите во пар со Ибрахимовиќ, обајцата имаат силен и доминантен однос, но Хрватот покажа дека знае како да живее со прима дони во соблекувалната.
Манџукиќ беше во Италија од 2015 до 2019 година кога играше за Јувентус. Неговото заминување беше критикувано од многу навивачи на „старата дама“ за управата и тренерот. Претходно играше за Атлетико Мадрид, Баерн Минхен, Волфсбург, Динамо, Загреб и Марсонија.
