Во швајцарски Аделбоден се возеше најатрактивниот велеслалом во Светскиот куп.
По 14 години чекање, домашните навивачи имаа причина за славење бидејќи триумфот сезонава го постигна феноменалниот Марко Одермат со време од 2:34.45 и со тоа ги фрли во делириум швајцарските навивачи.
Австрискиот скијач Мануел Фелер со одлично второ возење стигна до второто место, кој имаше време од 2:34,93.
Подиумот го комплетираше Алексис Пинтуралт од Франција со време 2:34.99.
Најдобрите светски скијачи престојуваат во Аделбоден каде утре ќе возат слаломска трка.
