Марка и неколку други шпански медиуми во вторникот објавија дека норвешкиот фудбалер Мартин Одегард го замолил Реал Мадрид да му дозволи да најде нов клуб.
Одегард нема освоено ниту една минута на последните 10 натпревари и дури не е вклучен во тимот што патува кај нисколигашот Алкојан во Копа дел Реј.
Затоа тој автоматски донесе одлука да го напушти Мадрид и повеќе не сака да биде дел од тимот, а тоа наводно му го соопштил на тренерот Зинедин Зидан.
Тони Крос, Лука Модриќ и Касемиро се сигурни во средниот ред на Зидан, а Французинот не му даде шанса на Одегард дури и на некои помалку важни натпревари.
На крајот на краиштата, тој не сакаше да го однесе на натпреварот од Купот на кралот против нисколигашите и тоа кажува сè …
Одегард веќе играше на позајмица и беше вратен ова лето бидејќи се сметаше дека ќе му биде потребен на тимот, но се чини дека треба да бара нов клуб.
