Српскиот играч од средниот ред Немања Матиќ изјави дека сака да остане во Манчестер Јунајтед и ќе ја одбие понудата на другите клубови доколку „црвените ѓаволи“ сакаат да го продолжат неговиот договор.
Немања Матиќ би можел да го напушти „Олд Трафорд“ како слободен играч на крајот на сезоната, доколку Манчестер Јунајтед реши да не го обнови својот тековен договор.
31-годишниот играч е во последните шест натпревари во клубот во сите натпреварувања и го постигна единствениот гол во победата од 1:0 над Манчестер Сити во полуфиналниот натпревар на Купот Карабао, пред да биде биде исклучен.
Поранешниот играч од средниот ред на Челзи се надева дека Манчестер Јунајтед ќе го награди за оваа добра форма.
„Јас имам договор до крајот на сезоната. Секојдневно сум во Карингтон и сум отворен да зборувам за тоа дали мислат дека може да му помогнам на клубот. Ако не, животот продолжува“, рече Матиќ.
„Преговорите сè уште не се отворени, но мојот став е јасен. Задоволство е да го претставувам овој клуб. Дојдов тука да победам и ако сакаат тие да останам, секако ќе дадам се од себе за да победам“.
Матиќ има право да потпише предсезонски договор на крајот на сезоната со кој било клуб во Европа. Тој откри дека има понуди, но тој сака да остане на „Олд Трафорд“.
