Фудбалерот на Пари Сен Жермен, Килијан Мбапе го поддржа голгетерот на Интер, Ромелу Лукаку, кој беше подложен на расистички навреди од навивачите на Јувентус во полуфиналниот натпревар од Купот на Италија.
Јувентус и Интер одиграа нерешено 1:1 во Торино. Лукаку го постигна израмнувачкиот гол во последната минута. Бидејќи беше цел на расистички навреди за време на натпреварот, тој го прослави голот со гестикулација на домашните навивачи да замолчат – судијата Давиде Маса му покажа црвен картон, односно втор жолт на натпреварот.
„Живееме во 2023 година, но секогаш се соочуваме со истите проблеми. Ова не смееме да го дозволиме. Сите мора да се обединиме против расизмот“, напиша Килијан Мбапе на социјалната мрежа.
Претходно, Серија А го осуди однесувањето на навивачите на Јувентус на натпреварот против Интер.
„Серијата А остро ја осудува секоја појава на расизам и каква било форма на дискриминација. Неколку луѓе на трибините не можат да го расипат фудбалот и да не ги претставуваат сите навивачи на стадионот. Клубовите од Серија А, како и секогаш, ќе можат да ги најдат одговорните и да им забранат доживотно да играат дома“, се вели во соопштението на италијанската елита лига.
Реваншот е закажан за 26 април во Милано.
Romelu Lukaku said on Wednesday that 'history repeats itself' in Italian football after the Inter Milan striker was subjected to monkey chants by Juventus fans during the two teams' stormy cup clash ➡️ https://t.co/dXox2rEs1r #AFPSports pic.twitter.com/n3rl4n8sEf
— AFP News Agency (@AFP) April 5, 2023
Lukaku cattivone provocatore pic.twitter.com/UMEmgWnunS
— Simone Salines ⭐️⭐️+1 (@salines_simone) April 4, 2023
