Килијан Мбапе ова лето не успеа да го исполни својот сон.
Тој сон е дрес на Реал Мадрид. ПСЖ ги отфрли сите понуди од кралевите и Мбапе ќе го носи дресот на францускиот гигант барем уште една сезона.
Очигледно Мбапе е многу разочаран од фактот што не заврши во Реал, па синоќа ја сподели објавата на својот пријател на Инстаграм.
“Почитување на пријател за вашата професионалност. Одложете ги соништата за подоцна. Животот е прекрасен. Вие сте најдобри”, напишал пријател чие стори го сподели Мбапе.
https://twitter.com/elrondofutbol/status/1432845911483371522
На ова стори Мбапе ја додаде песната на познатиот бенд Аеросмит ‘Dream on’ и сосема е јасно дека дресот на Кралевите е неговиот сон.
Неколку минути подоцна Мбапе го избриша овој пост. Сепак, следбениците веќе успеаја да го „преземат“ и да го објават на социјалните медиуми.
Францускиот напаѓач ги отфрли сите понуди на ПСЖ за нов договор и тој ќе биде слободен агент во јуни следната година.
