Фудбалерите на Шкотска во последното коло од квалификациите ја совладаа Данска со резултат 4:2 и се пласираа на Светското првенство, а голот на Скот Мектоминеј беше вистинско ремек-дело.
Шкотска поведе веќе во 3. минута кога Бен Доак нафрли од десната страна, а Мектоминеј мајсторски со „ножички“ ја погоди мрежата на Каспер Шмајхел.
Majestic. Magic. McTominay.#WCQ | @ScotlandNT pic.twitter.com/SRvJznFuqy
— UEFA EURO (@UEFAEURO) November 20, 2025
Тој погодок го трасираше патот на Шкотска кон Светското првенство, која го доби натпреварот со 4:2, а педантните статистичари пресметале дека Мектоминеј ја удрил топката на висина од 2,53 метри.
За каков импресивен подвиг станува збор, доволно зборува податокот дека тој за 18 сантиметри го надминал прочуениот потег на Роналдо од четвртфиналето на Лигата на шампионите во сезоната 2017/2018.
Роналдо тогаш во Торино против Јувентус постигна гол со „ножички“, а топката ја удри на висина од 2,35 метри. Се чинеше дека тој потег никој не може да го надмине, и навистина не беше — сè до мајсторијата на Мектоминеј, која ќе остане запаметена како еден од најдобрите погодоци во историјата на квалификациите за Светското првенство.
