Серхио Рамос е сигурно еден од најдобрите дефанзивци во светот, а со Реал Мадрид освои се што можеше да се освои.
Рамос веќе 16 години игра на врвно ниво во дресот на кралскиот клуб. Тој пристигна летото 2005 година од Севиља за скоро 30 милиони евра и тоа беше еден од најдобрите потези на Реал Мадрид.
34-годишниот играч имаше дуели против фантастични фудбалери во својата кариера, а многумина ќе кажат дека Лионел Меси му предизвика најмногу проблеми во легендарното Ел Класико од претходните години.
Сепак, во својата прва сезона во дресот на Реал Мадрид, Рамос беше засрамен на натпреварот против Барселона. Но, тогаш не му правеше проблеми Меси, туку легендарниот Роналдињо.
Роналдињо беше кошмар за Рамос и Реал Мадрид бидејќи ги полуде со своите потези и голови. Еден од навивачите се погрижи да направи компилација од нивните дуели што најдобро покажува какви проблеми имаше Рамос на дуелите со Роналдињо.
https://youtu.be/k8NgqEupNto
