Лионел Меси се уште нема донесено одлука дали ќе остане во Барселона и по оваа сезона.
Аргентинецот има договор со Барселона до крајот на оваа сезона, а сè уште не е познато каква ќе биде одлуката, со оглед на тоа што ова лето побара раскин на договорот со каталонскиот клуб.
Но, во Барселона се надеваат дека Меси ќе остане и ќе потпише нов договор, иако во последно време се повеќе се шпекулира дека ќе замине во ПСЖ.
Францускиот клуб отворено вели дека го сака Меси, а Анхел ди Марија отворено го поканува да дојде во ПСЖ, што не му се допаѓа на Роналд Куман и челниците на Барселона.
Меси е свесен колку е незгодна ситуацијата, но тој е решен да не открива ништо додека не заврши сезоната. Сепак, шпанските медиуми пишуваат дека тој е изненаден од непрофесионализмот на ПСЖ пред осмиот натпревар од Лигата на шампионите, каде во моментов играат овие два клуба.
Но, Мундо Депортиво пишува дека Меси само дополнително го мотивира да се обиде да ги нокаутира парижаните со Барселона и да продолжи понатаму затоа што е максимално фокусиран на оваа сезона.
Аргентинецот не дозволува шпекулации да го исфрлат од чекор и го дава својот максимум на теренот, а како што рече претходно, кога ќе заврши сезоната, тој ќе донесе одлука за својата иднина.
