Редовите на актуелниот шампион на Италија ги засили млад дефанзивец.
Клубот преку својата официјална веб-страница синоќа објави дека е потпишан договорот со Германецот Малик Тиау.
Тиау е висок 194 сантиметри, што значи дека моментално е вториот највисок играч што го има Милан, откако шведскиот напаѓач Златан Ибрахимовиќ е повисок од него за само еден сантиметар.
Сепак, за разлика од Ибра, кој игра во нападот, Тиау е дефанзивец и ќе ја засили конкуренцијата на стоперската позиција, каде на Милан му требаше уште еден, четврти играч.
За шест милиони евра дојде од бундеслигашот Шалке 04, а неодамна наполни 21 година.
Имаше многу споредби меѓу него и дефанзивецот на Ливерпул, Жоел Матип, кој исто така играше за Шалке.
Тиау минатата сезона имаше 31 настап за Шалке во 2. Бундеслигата и му помогна на тимот да се врати во Бундеслигата, но тимот од Гелзенкирхен мораше да се откаже од него ова лето по повикот од Милан.
Пред Тиау, Милан го доведе Чарлс Де Кетелаере од Клуб Бриж, Дивок Ориги како слободен играч од Ливерпул, додека договорите на Жуниор Месијас и Алесандро Флоренци беа откупени. Јаклин Адли претходно беше купен од Бордо, но неодамна и тој се приклучи на тимот.
Time to welcome Thiaw 😉👋 #ReadyToLeaveAMark #SempreMilan pic.twitter.com/RdbkrFAtcB
— AC Milan (@acmilan) August 29, 2022
Најголема загуба може да се смета заминувањето на Франк Кесие, кој како слободен играч реши да потпише за Барселона.
