Екипата на Милан вечерва го официјализираше доаѓањето на искусниот голман Антонио Миранте (38).
Откако останаа без одличниот Мајк Мејнан, кој ќе отсуствува од терените повеќе од два месеци поради повреда на скочниот зглоб, „росонерите“ одлучија да реагираат и да донесат нов голман.
Договорот со Милан вечерва официјално го потпиша искусниот чувар на мрежата, Антонио Миранте, добро позната личност од италијанските терени.
Official Statement: Antonio Mirante ➡ https://t.co/4VvkwYANrA
Comunicato Ufficiale: @MIRANTE83 ➡ https://t.co/c7xTiB7GhD#NewPlayerUnlocked #SempreMilan pic.twitter.com/wqm1peCJyy
— AC Milan (@acmilan) October 13, 2021
Миранте стана слободен агент по завршувањето на соработката со Рома ова лето. Не успеа да најде ангажман, но повредата на Мејнан му даде шанса да потпише за Милан.
Тоа го направи на крајот, а по Јувентус, Сампдорија, Парма, Рома и Болоња, 38-годишниот фудбалер ќе го напише името Милан во своето CV.
Миранте ја започна својата кариера во Јувентус. Никогаш не играше за тимот од Торино во Серија А, а ги имаше најдобрите моменти во дресот на Парма, чиј дрес го носеше од 2009 до 2015 година.
Прв избор на Милан во следните натпревари ќе биде Романецот Ципријан Татарушану, а покрај Миранте, меѓу голманите е и младиот Алесандро Плицари.
