Големите љубители на автомобилизмот ова утро се разбудија со една потресна вест од трката во Макау, откако младата германска возачка Софија Флорш со огромна брзина ја проби заштитната ограда и заврши во безбедниот простор со преполовен болид.
Сликата беше навистина страшна и повторените снимки покажаа дека 17-годишната Софија во моментите на излетување возела со над 250 километри на час, брзина која предизвика болидот да полета во воздух и да заврши во оградата.
Дефинитивно, вистинска среќа е што Софија не претрпе животнозагрозувачки повреди, а првата позитивна вест ја пренесе и нејзиниот татко кој потврди дека неговата ќерка има скршеница на ’рбетот, со тоа што во прв момент може да ги движи сите екстремитети.
Just wanted to let everybody know that I am fine but will be going into Surgery tomorow morning. Thanks to the @fia and @hwaag_official @MercedesAMGF1 who are taking great care of me.
Thanks to everybody for the Supporting messages.
Update soon.— Sophia Floersch (@SophiaFloersch) November 18, 2018
Набрзо после оваа изјава на таткото на Флорш, се огласи и младата возачка која се натпреварува во Формула 3.
– Само сакам да им кажам на сите дека сум добро и дека утре ќе имам операција. Голема благодарност до ФИА и до Мерцедес тимот кои се грижат за мене. Благодарност до сите за пораките за поддршка. Наскоро ќе има нови информации, – гласи објавата на младата Софија која дефинитивно денеска и погледна на смртта во очи.
