„Кралот на Египет“ и голгетерот на Ливерпул Мо Салах имаше одличен настап во 2023 година.
Дерби натпреварот помеѓу Ливерпул и Њукасл вечерва го затвора 20. коло од Премиер лигата и го отвора фудбалот во 2024 година кога се во прашање Топ 5 лигите на Европа.
Овие два клуба во изминатиот период одиграа неколку антологиски натпревари во лигата, а вечерва се очекува одличниот Египќанец повторно да биде во центарот на вниманието.
Опта Спортс, британска компанија за спортска аналитика, објави дека во 2023 година, Мохамед Салах бил единствениот играч во петте најсилни лиги во Европа (Англија, Германија, Шпанија, Италија, Франција) со 15 или повеќе постигнати голови и исто толку асистенции!
Салах имаше учинок од 24 гола и 15 асистенции и со тоа стана првиот во Премиер лигата кој во една календарска година го повтори подвигот на Тиери Анри во 2003. Славниот Французин тогаш беше уште поуспешен во дресот на Арсенал – постигна 25 гола и регистрирани 19 асистенција.
2023 – Mo Salah is the only player with 15+ goals (24) and 15+ assists (15) in Europe's big-five leagues in 2023. He is the first player to reach 15 for both goals and assists in a single Premier League calendar year since Thierry Henry in 2003 (25 goals, 19 assists). King. pic.twitter.com/7chSPxQcUs
— OptaJoe (@OptaJoe) December 31, 2023
