Претходно беше јасно, но сега е потврдено дека Лука Модриќ ќе остане во Реал Мадрид.
Навивачите на Реал не се среќни поради поразот од Манчестер во првиот натпревар од полуфиналето на Лигата на шампионите, но на Сантијаго Бернабеу се е отворено и сите веруваат дека Реал сепак може да стигне до финалето и покрај поразот од 4:3 во првиот дуел. На крајот на краиштата, кралевите се покажале себеси неуништливи безброј пати, дури и кога се чини дека се уништени.
Сепак, доаѓаат многу добри вести за навивачите на мадридскиот клуб, откако Модриќ се договори со Реал да ја продолжи соработката до летото 2023 година. Дополнително, предвидена е и опција за продолжување на договорот за уште една година, а тоа јасно ќе зависи од настапите на Хрватот во следната сезона и неговите желби и планови.
Модриќ изјави дека неговиот сон е да остане во Мадрид, дека за него само формалност е нов договор, а тој е толку ценет што клубот веќе му предложил да остане во спортската структура на клубот и по завршувањето на играчката кариера.
Така, на Модриќ му предложиле да биде вработен во клубот во спортски менаџмент кога ќе стави крај на кариерата, па Лука да стане еден од директорите или што сака, а тоа ќе зависи од тоа што планира во иднина.
За многумина тој моментално е незаменлив во Реал, а во белиот дрес веќе собра 430 настапи од неговото доаѓање од Тотенхем во 2012 година за 35 милиони евра. Со Реал освои дури четири ЛШ.
По заминувањето на Серхио Рамос и Кристијано Роналдо, Хрватот стана лидер на Реал Мадрид заедно со Карим Бензема и навивачите сакаат тие двајца да останат извесно време во клубот. И двајцата премногу му дадоа на Реал и клубот ќе направи се за да им се оддолжи и откако ќе ја завршат кариерата.
