Србија стартуваше со пораз на Светското првенство во Катар. Бразил беше подобар со 2:0.
Цел час се чинеше дека Србија може да го заврши натпреварот со добар резултат. Но, тоа беше само измама и на крајот подобриот тим извојува рутинска победа. Србија за осминафиналето очекува да ги одмери силите со Камерун и Швајцарија.
Србија во првото полувреме инсистираше организирано да се брани и да го задржи што подолго поседот на топката. Сепак, Бразил во неколку наврати успеа да ја прекине таа поставеност и да создаде неколку поволни можности.
Но, пожртвуваните стартови, пред се Никола Миленковиќ и Страхиња Павловиќ, успеаја да отстранат добар дел од тие опасности. А она што помина, не одмина кај инспирираниот Вања Милинковиќ-Савиќ, која во неколку наврати се истакна. Особено на крајот од првото полувреме, кога му фати чист зицер за Рафиња.
Овие двајца беа актери на првата интересна ситуација во второто полувреме. Вања Милинковиќ-Савиќ инсистираше да му додаде на Павловиќ, иако на грб го имаше Рафиња. Стоперот на Ред Бул Салцбург ја загуби топката, Рафиња повторно се најде еден на еден со српскиот голман, но повторно одлично одбрани.
Сепак, ѕидот на Србија беше пробиен во 62. минута. Повторно одбрани Вања Милинковиќ-Савиќ, кој го одби ударот на Винисијус Јуниор. За жал и за него и за Србија, се одби токму кај Ричарлисон, кој ја затресе мрежата за 1:0.
Пикси Стојковиќ возврати со офанзивни измени. Наместо Лукиќ и Младеновиќ влегоа Лазовиќ и Влаховиќ (пред тоа наместо Гудељ и Живковиќ Радоњиќ и Иван Илиќ). Србија имаше добра шанса преку Сергеј Милинковиќ-Савиќ и Миленковиќ. Меѓутоа, како што Србија се отвори, така се отвори и просторот за Бразил. А тоа го искористи Селесао во 73. минута. По додавањето на Винисиус, Ричарлисон со ножички ефективно го совлада Вања Милинковиќ-Савиќ за 2:0. До крајот Бразил ја погоди пречката преку Габриел Жесус, но остана 2:0.
Во следното коло во понеделник Србија од 11 часот игра против Камерун. Бразил во истиот ден игра против Швајцарија.
