Кристијано Роналдо никогаш не бил миленик на поранешниот италијански фудбалер Антонио Касано.
Касано отсекогаш ја прозиваше португалската ѕвезда. Кон него често изговарал остри зборови, а тоа не се сменило ниту денес.
Овој пат Касано во една емисија истакна дека Кристијано е добар фудбалер, но дека не може да биде во иста реченица со фудбалските велемајстори како Зинедин Зидан или Андрес Иниеста.
“Кристијано Роналдо не е меѓу најдобрите во историјата. Па, тој постигна 807 гола, освои трофеи и е навистина добар фудбалер. Му симнувам капа. Сепак, друго е да се игра добар фудбал. Зидан, Иниеста … Не постигнаа ниту половина од нив, тие се вистински генијалци“, истакна Касано и продолжи:
„Тој е повеќе играч како Инзаги или Трезеге. Тие беа одлични, но искрено, фудбалот е нешто друго“, рече Касано како гостин во ТВ-шоуто Бобо на Кристијан Виери.
