Жозе Мурињо размислува да го „киднапира“ Златан Ибрахимовиќ од Милан, за кој долго време се шпекулира дека се обидува да го пренесе Швеѓанецот во Тотенхем.
38-годишниот напаѓач ќе биде слободен за време на јануарскиот преоден рок, откако ќе му истече двегодишниот договор со Лос Анџелес Галакси.
Мурињо го пренесе Ибрахимовиќ, исто така како слободен играч, во Манчестер Јунајтед во 2016 година. Швеѓанецот постигна 26 голови на 46 настапи пред сериозната повреда на коленото да ја загрози неговата кариера.
Ибрахимовиќ го напушти Манчестер Јунајтед во март 2018 година, но тој ја продолжи својата добра врска со Мурињо, со кого работеше во Интер, фалејќи го неговиот „професионализам и победнички менталитет“.
Тотенхем сè уште не го најде замена за Фернандо Љоренте и можеби ќе му треба напаѓач освен Хари Кејн. Оваа улога би можела да биде добра за Ибрахимовиќ во оваа фаза од неговата кариера кога тој има за цел враќање во европскиот фудбал.
Манчестер јунајтед го отфрли враќањето на Швеѓанецот на „Олд Трафорд“ и се дознава дека неговиот агент Мино Рајола преговарал со некои италијански клубови, особено со Милан, каде што Ибрахимовиќ играл пред да му се приклучи на ПСЖ.
Од друга страна, Мурињо може да инсистира на трансферот на Ибрахимовиќ, откако му вети на главниот извршен директор на Тотенхем, Даниел Леви, дека не би бил премногу баран во меѓувреме.
